Si un lien de téléchargement expire ou est invalide, veuillez le signaler dans les commentaires afin que nous puissions le corriger.

mercredi 13 mars 2019

شرح كامل لنظام التعليم بالتعاقد و الأساتذة المتعاقدين




عطيني ودنك نشرح ليك نظام التعاقد.

الدولة اعلنت في 2015 عن اعتماد الرؤية الاستراتيجية 2015 /2030 وهاد الاستراتيجية ليست لاصلاح التعليم كما تتدعي الدولة و انما لتخفيض كتلة الاجور و رفع الدولة يدها على التعليم باعتباره خدمة عمومية مجانية لا تدر دخلا على مزانية الدولة.

كفاش زعما؟

اولا هاد المشروع تحط في 2002 لكن الدولة كانت كتسنى الوقت المناسب لتمريره و كانت سنة 2016 السنة التي تنتظرها الدولة لتمرير هذا المخطط لكن بعد معارك شديدة مع الاساتذة المتدربين تم افشاله و اعادت الدولة الكرة في 2017 و استغلت الدولة الهروب الجماعي للاساتذة الذين هربوا من تطبيق نظام التقاعد الجديد حوالي 50000 استاذ في سنتين و تعويضهم بأساتذة متعاقدين مع الاكاديميات و ليس مع الدولة.

ولكن اشنوا الفرق?

الفرق ان الاستاذ المرسم تابع للمركز و ليس للاكاديمية و الاجر الذي يتقاضاه من المزانية العامة و المزانية العامة المنبع ديالها هو الضرائب المباشرة و غير المباشرة و التعشير و وزيد وزيد يعني ان الاستاذ كيزاحم الوزير و البرلماني و المسؤول السامي فهذاك الصندوق لي كيتخلص منو كاملين مع ان الموارد متجددة عكس المتعاقد الذي يتقاضى اجره من الاكاديمية لي لحد الساعة مكتدخل والو.

ولكن الاكاديمية منين غذي تجيب الفلوس?

بحلول 2023 سيصبح عدد الاساتذة المتعاقدين حوالي 200000 استاذ و اساتذة بمعنى اكثر من70% من هيئة التدريس و الدولة ستبدأ في بيع الخدمة كما صرح احدهم.

اشنوا ناويا تبيع الدولة الاساتذة اولا التلاميذ هههه ؟

الدولة غدي تبيع الخدمة العمومية لي كانت بالمجان مثلا عندنا مثلا مؤسسة تعليمية فيها 20 استاذ و 600 تلميذ الاكاديمية غدي تصبح على شكل شركة و غذي تدير عملية حسابية بسيطة. 20 اساتذ كيكلفوا سنويا حوالي 140 مليون تقريبا في السنة اذن الدولة غذي تقسم هذا المبلغ على عدد التلاميذ و غذي تعطينا تقريبا 2300 درهم للتلميذ.
و هاذ 2300 درهم غذي تفرضها الاكاديمية على الاباء يخلصوها كرسوم التسجيل في بداية الدخول المدرسي خلصتي تسجل مخلصتيش متسجلش و هنا الاباء مغديش يقدوا يهضروا لانه كيشوف الدراري كيقراو و وولدو جالس في الدار كيبكي و غذي يضطر يتسلف او يأخد قرض من البنك و حتى هذا ريح للدولة في حد داتو.

محال الدولة تدير هادشي؟

هادشي راه دارتو الدولة منذ سنوات في معهد التكوين المهني و نجح ليهم و دبا باغين يعمموه على الجميع.

احنى كأساتذة مرسمين بعاد على هاد الشي؟

لا مبعاد والو في 2029 غدي يولي الاساتذة المرسمين كيمثلوا اقل من 10% وبالتالي الدولة غذي تفرض عليكم اما الدخول لنظام التعاقد او اختيار الجهة لي بغيتوا و تطمعكم بالحركة الانتقالية الموسعة في مقابل توقيع العقد او الاحالة على التعاقد النسبي على اساس انكم تجاوزتوا في الغالب 20 سنة من الخدمة او لا هادي لا هاديك و تدخل للتعاقد بزز منك ملي تبقى بوحدك.

مغديش نقبلوا و نخرجوا نحتجوا؟

مشي في صالحك تحتج و مغديش يتسوقوا ليك لان العدد ديالكم غدي يكون قليل و خير دليل ما يقع الان لضحايا النضامين و اساتذة الزنزانة 9 الدولة تعترف بمظلوميتهم منذ سنوات لكنها لا تريد حل ملفاتهم رغم مشروعيتها لان عددهم قليل و لا يشكلون اي احراج للدولة و المرفق مستمر سواء خدموا او داروا الاضراب.

الاباء غدي يحتجوا و ميقبلوش بهاد الشي؟

الدولة تعيي جيدا ان ثقافة الاحتجاج عند الشعب قليلة او منعدمة والى قدر الله و احتجت شي طائفة السجن كاين كما وقع لابناء الريف و غذي توجه بوصلة الاحتجاج الى الاستاذ بأعتباره هو لي كياخد ليهم رزقهم يتمتع بيه هو و ولادوا و الاعلام غذي يدير خدمتوا.

وشنوا الحل؟

كلشي يتجند و يوقف هاد القرار محدوا في بداياتوا و الا وجد راسك لداكشي لي قلنا عليه.

و احنا كاساتذة مغديش يجروا علينا؟

في 2030 غذي تولي الاكاديمية شركة و الشركة كتقلب على الربح اذن غدي تولي تعامل مع الاساتذة كعمال و ليس كموظفين الى كانت الخدمة مشيا و الفلوس داخلا غذي تخدم و تزيد تخدم والى كانت الخدمة ممشياش و الفلوس مدخلاش غدي تبدى تسرح العمال و تسد المؤسسات بسبب الافلاس.
فهمتي شويا اولا نعاود.
ذ. رضا



Pour supporter l'équipe du site ,Partagez sur
logoblog
Previous
« Prev Post

Aucun commentaire:

Enregistrer un commentaire