Le management en Bref - en darija

Le management en Bref

كيما كنعرفو جميع ملي تيكون عندنا واحد البروجي خصنا ولابد نسيروه يعني خصنا نديرو ليه المناجمنت

و المناجمنت كتعني واحد المجموعة من تقنيات باش كنظمو الموارد (R/ces) ديال الشركة من أجل نوصلو الأهداف لي بغينا

و الكلمة الثانية processus كتعني الطريقة ولا العملية يعني processus du management كتعني الطرق و العمليات باش كنديرو المناجمنت

باش نلخصو هادشي :

Resources >> Processus (PODC) >> Résultats

دبا غانشفو كيفاش غانديرو هاد Processus du Management

عندنا 4 المراحل لي هوما : (PODC)

Planifier, Organiser, Diriger, Contrôler

غانشرحو واحد بواحد

1. Planification :

هي العملية الأولئ وكتركز بصفة عامة علئ تحديد الأهداف والخطوات لي غانديرو باش نوصلو هاد الأهداف ( يعني فهاد المرحلة كنديرو البلان )

هادشي كنديروه انطلاقا من :

- تحليل المعلومات ديال الشركة و تحديد الأهداف لي بغات الشركة

- نديرو واحد البروجرام للمهام لي غاتدير هاد الشركة

- نوضعو توقعات للميزانية و نديرو واحد التخطيط سنوي

2. Organisation :

هي المرحلة الثانية فاش كنقسمو المهام وكنوزعو الموارد لي عندنا بهدف نحققو و نوصلو لداك البلان لي درنا

الخطوات ديال هاد المرحلة : - تقسيم العمل علئ مجموعات - نعطيو لكل مجموعة المهمة لي تديرها - نوضعو اليات (ميكانيزم) تنسيق العمل

3. Direction :

هي المرحلة الثالثة و المهمة في المناجمنت, هاد المرحلة كتركز بالأساس علئ تحفيز (موتيفاسيون) الموظفين والعمال ديال الشركة باش نوصلو الهدف لي بغينا

وهادشي عن طريق تدريب العمال و نديرو ليهم تكوينات (فورماسيون) ....

و من جهة اخرئ بالنسبة للادارة خاص تكون عندها واحد القيادة قوية (Leadership)

4. Contrôle

هي المرحلة الأخيرة فاش كيديرو المسؤولين تقييم في جهة, و المقارنة مابين النتائج لي وصلنا ليها و الأهداف لي بغات الشركة في جهة أخرئ .

هاد المرحلة كذلك كتساعد المسؤولين علئ الشركة باش يتاخدو الاجراءات في حالة إلئ بان ليهم شي خطأ في البلان لي دارو (موصلوش للاهداف لي بغاو)

هنا كيديرو تصحيحات وتغييرات باش يوجهو الشركة من جديد نحو الاهداف ديالها

Pour supporter l'équipe du site ,Partagez sur